ჩვენი ონლაინ პლატფორმის გამოყენებით, ავტომანქანის დაზღვევის შესაძენად საჭიროა მხოლოდ თქვენი ავტომობილის ფოტოსურათები. სხვა ყველა დოკუმენტის მოძიებას, კომპანია თავად უზრუნველყოფს.
ავტოსაგზაოშემთხვევის დროს, ვრეკავთ უნისონის ცხელი ხაზის ნომერზე : 0322991991 და საპატრულო პოლიციაში ვაფიქსირებთ შემთხვევას.
3000 ლარამდე ზიანი დაზღვეულთან შეთანხმების საფუძველზე 24 საათში ანაზღაურება, ხოლო თუ ზიანი აღემატება 3000 ლარს, მაშინ სერვისცენტრში მანქანის შეფასებაზე მიყვანიდან 48 საათში ანაზღურდება.
მესამე პირია ნებისმიერი ის პირი, რომელიც არ არის მზღვეველი ან დამზღვევი და არ მონაწილეობს მზღვეველსა და დამზღვევს შორის წარმოშობილ სამართლებრივ ურთიერთობაში. ამ განმარტების თანახმად, მესამე პირად ვერ ჩაითვლება უფლებამოსილი მძღოლი, დაზღვეული მანქანის მგზავრები.
მზღვეველი არ ანაზღაურებს პატრულის ჯარიმის თანხას. ანაზღაურებას ექვემდებარება, მხოლოდ ზარალის ოდენობა.
გამომუშავებული სადაზღვევო პრემია – სადაზღვევო პერიოდის განმავლობაში კონკრეტული თარიღისთვის სადაზღვევო პერიოდის დასაწყისიდან ასეთ თარიღამდე განვლილი დროის მონაკვეთის პროპორციული პრემიის ოდენობა.
მაგალითად: დავუშვათ თქვენს მიერ გადახდილი წლიური პრემია უდრის 400$-ს. დაზღვევიდან მე-6 თვეს გადაწყვიტეთ გაგეუქმებინათ სადაზღვევო ხელშეკრულება. ასეთ შემთხვევაში, გამოდის რომ 6 თვის მანძილზე თქვენი დაზღვევა იყო ძალაში და საჭიროების შემთხვევაში მზღვეველი აგინაზღაურებდათ ზარალს, შესაბამისად 6 თვის პროპორციული პრემია (200$-ის ოდენობით) არის გამომუშავებული პრემია.
უნისონის პლატფორმიდან, ონლაინ შეძენილ ყველა პროდუქტზე (გარდა სამოგზაურო დაზღვევისა), შეგიძლიათ სადაზღვევო პრემიის ყოველთვიურად დაფარვა.
ფრანშიზა არის თანხის ის ოდენობა, რომელსაც მზღვეველი არ ანაზღაურებს.
- უპირობო ფრანშიზა – თანხა, რომელიც აკლდება სადაზღვევო ანაზღაურებას თითოეული სადაზღვევო შემთხვევის დროს. მზღვეველი არ გასცემს სადაზღვევო ანაზღაურებას თუ ზიანი ფრანშიზის ოდენობაზე ნაკლებია;
- პირობითი ფრანშიზა – თანხა, რომლის ფარგლებშიც დამდგარი ზიანი თითოეული სადაზღვევო შემთხვევის დროს არ ანაზღაურდება, თუმცა, თუ ზიანმა გადააჭარბა პირობითი ფრანშიზის ოდენობას, მზღვეველი სადაზღვევო ანაზღაურებას გასცემს სრულად.
- ავტოსატრანსპორტო საშუალების გამოშვების წელი უნდა აღემატებოდეს 2002 წელს.
- დაზღვევის მომენტისათვის ავტოსატრანსპორტო საშუალების საბაზრო ღირებულება უნდა აღემატებოდეს 3000 აშშ დოლარს.
სადაზღვევო შემთხვევის დადგომისას, თუ აღმოჩნდება, რომ სატრანსპორტო საშუალება დაზღვეულია საბაზრო ღირებულებაზე ნაკლებ ფასად, მაშინ ზარალი აგინაზღაურდებათ იმ პროპორციით, რა პროპორციაც არსებობს სადაზღვევო თანხასა და საბაზრო ღირებულებას შორის.
მაგ: 10 000$ ღირებულების მანქანა დაზღვეულია 5 000$-ად (ანუ, საბაზრო ღირებულების 50%). თუკი ზარალი დადგება 2 000$-ის ოდენობით, მაშინ ანაზღაურდება 1 000$ (2 000$-ის 50%) და თუ დამზღვევს აქვს შეძენილი ფრანშიზიანი პროდუქტი, ასანაზღაურებელ თანხას ასევე დააკლდება ფრანშიზის ოდენობაც.