ქართული კაპიტალით შექმნილი კომპანია უნისონი 2011 წლიდან ემსახურება როგორც კერძო პირებს, ასევე კომპანიებს. თანმიმდევრულმა შრომამ და პროფესიონალიზმმა განაპირობა მისი წარმატება.
ოპერირების დაწყების დღიდან უნისონი ერთ ერთი ყველაზე სტაბილური კომპანიაა საქართველოს ბაზარზე და ყველაზე მოთხოვნადი სადაზღვევო კომპანიების ხუთეულში შედის.
უნისონი ბაზარზე წარმოდგენილია ინდივიდუალური და კორპორატიული სერვისების სრული შეთავაზების პორტფელით.
უნისონი ციფრებში
უნისონის ისტორია
უნისონი დღეს
მისია
ჩვენ ყველას ერთად გვიწევს ცხოვრება თანამედროვე დაძაბულ, არასტაბილურ, დინამიურ და დროის დეფიციტით ნიშანდებულ რეალობაში. მიუხედავად ამისა, ადამიანების ბუნებრივი მდგომარეობაა უკეთეს მომავალზე ფიქრი და სწორედ ასეთ დროს საჭიროა გვყავდეს სანდო ადამიანები გარშემო, ვისაც უპირობოდ ვენდობით და ვიგულებთ ჩვენიანად – ვფიქრობთ სწორედ ესაა ჩვენი მისია – უნისონთან ერთად თქვენ იქნებით უფრო მშვიდად თქვენს სამომავლო გეგმებზე ფიქრშიც და წინსვლაშიც. ადამიანები ადამიანებისათვის – ეს იდეა უნდა შევძლოთ და გავხადოთ ყველამ ერთად ჩვენი საერთო ღირებულება და ყოველდღიურობის საფუძველი.
სტანდარტი
უნისონმა სადაზღვევო კომპანიებს შორის 2015 წელს პირველმა დანერგა საქართველოში მობილური აპლიკაციის სერვისი, რომლითაც მომხმარებელს შეუძლია, არა მხოლოდ პოლისის შეძენა, არამედ ექიმთან ვიზიტის დაჯავშნა, შემთხვევის დაფიქსირება, ზარალის მიმდინარე სტატუსის მონიტორინგი და ა.შ.
კომპანია ერთგულია ტექნოლოგიური ინოვაციების, რომლებიც ადამიანებს უზოგავს დროს და უადვილებს დაზღვევის სერვისების მიღებას. დღეისათვის უნისონი უკვე იმყოფება ციფრული ტრანსფორმაციის მეორე ეტაპზე, რომლის დასრულების შემდეგ თვისობრივად ახალ ეტაპზე გადავა და მეტ თავისუფლებას შესთავაზებს მომხმარებლებს.
ღირებულებები
უნისონი იცავს „ნამდვილი დაზღვევის“ პრინციპს, ანუ არის დამოუკიდებელი დაზღვევის ბრენდი და არ არის ბანკებთან და სხვა არაპროფილურ (ფარმაცევტულ და სამედიცინო) ბიზნესებთან აფილირებული, რაც მომხმარებელს მეტ თავისუფალ არჩევანს და უკეთეს მომსახურეობას აძლევს. შედეგად მოსახერხებელს და ურთიერთსასარგებლოს ხდის თანამშრომლობას.