ახალი მობილური აპლიკაცია
29 ივნისი, 2018
ახალი მობილური აპლიკაცია

უნისონმა 28 ივნისს მომხმარებელს ახალი მობილური აპლიკაცია წარუდგინა.

 

3 წელი გავიდა მას შემდეგ რაც უნისონმა, პირველმა ქართულ სადაზღვევო ბაზარზე, ფუნქციონალური მობილური აპლიკაცია შესთავაზა მომხმარებელს. ამ ხნის განმავლობაში დაგროვილი გამოცდილების შედეგად, სრულიად ახალი აპლიკაცია შეიქმნა.

 

ახალი აპლიკაცია გამოირჩევა სიმარტივით, გაზრდილი ფუნქციონალით და დახვეწილი ვიზუალით. რაც მთავარია, იგი მორგებულია არა მხოლოდ უშუალოდ მომხმარებელზე, არამედ დაინტერესებულ პირებზეც. ნებისმიერ მსურველს შეუძლია მისი გადმოწერა და ზოგადი ინფორმაციის მიღება პროდუქტებისა თუ პროვაიდერი კლინიკების შესახებ. 

 

უშუალოდ მომხმარებელს რაც შეეხება, დაზღვეულები შეძლებენ ყველა საჭირო ინფორმაციის ერთ სივრცეში მიღებას. იქნება ეს პროვაიდერების შესახებ ინფორმაცია, ბენეფიტებსა თუ კომპანიაში მიმდინარე სიახლეებზე. რაც მთავარია, დაზღვეული შეძლებს ლიმიტის კონტროლს, თუ რა თანხა აქვს დარჩენილი, რა თანხა აქვს გახარჯული და როდის უწევს გადახდა. ყიდვის შესაძლებლობა და სამოგზაურო დაზღვევის გააქტიურების საშუალება კიდევ ერთი დამატებითი ბენეფიტია აპლიკაციის მომხმარებლებისთვის.

 

ჩვენ გავესაუბრეთ აპლიკაციის პირველ მომხმარებლებსაც და როგორც ისინი აცხადებენ, მათთვის ყველაზე მნიშვნელოვანი ანაზღაურების მოთხოვნის შესაძლებლობაა. ისინი მოხარულები არიან, რომ უნისონის ახალი მობილური აპლიკაცია საშუალებას მისცმეს მათ ატვირთონ სასურველი დოკუმენტი ან გადაუღონ ფოტო და მარტივად მიიღონ ანაზღაურება.

 

აპლიკაციის გადმოწერა უკვე შეუძლია ანდროიდის მომხმარებელს https://play.google.com/store/apps/details?id=unison.activities . iOS სისტემაზე კი აპლიკაცია მომდევნო კვირაში იქნება ხელმისაწვდომი. 

 

ასევე ნახეთ
30 ნოე, 2017

საქართველოს კონკურენციის სააგენტომ სადაზღვევო კომპანია უნისონის სარჩელის საფუძველზე დაადგინა რამდენიმე სახელმწიფო ორგანიზაციის მხრიდან  კონკურენციის კანონის მე-10 მუხლის დარღვევა. კერძოდ, საქართველოს საავტომობილო გზების დეპარტამენტის, ბათუმის მერიის, ხაშურის მუნიციპალიტეტის, თბილისის მერიისა და საქართველოს მუნიციპალური განვითარების ფონდის მიერ გამოცხადებულ ტენდერებში სადაზღვევო კომპანიების მიერ გაცემული საბანკო გარანტიების მიუღებლობა ჩაითვალა სადაზღვევო სექტორისთვის ხელოვნური ბარიერის შექმნად.

გაიგე მეტი
30 ნოე, 2017

კიბერ რისკების დაზღვევას, საქართველოში პირველად, მომხმარებელს სადაზღვევო კომპანია უნისონი სთავაზობს. კომპანიის გენერალური დირექტორის მოადგილე ნინო ბოკუჩავა კიბერ დაზღვევის შესახებ გაგვესაუბრა.

გაიგე მეტი