მომხმარებლის უფლებების დასაცავად
03 May, 2018
მომხმარებლის უფლებების დასაცავად

მიეცეს მომხმარებელს თავისუფალი არჩევანის საშუალება ბანკებში დაზღვევის პროდუქტების შეძენისა, ესაა მოთხოვნა, რომელსაც უნისონი არაერთ ინსტანციაში უკვე წლებია აყენებს.

გუშინ, 2 მაისს,  სადაზღვევო კომპანიების ასოციაციის სხდომაზე დამსწრე სააზღვევო კომპანიათა უმრავლესობამ მხარი დაუჭირა უნისონის ინიციატივას, შემუშავდეს ერთობილი მიმართვა საქართველოს პარლამენტისა და ეროვნული ბანკისთვის.  

მიმართვა ითვალისწინებს კონკურენციის კანონის აღსრულების აუცილებლობას ბანკებში, რის შედეგადაც მომხმარებელს უნდა მიეცეს თავისუფალი არჩევანის საშუალება სესხზე მიბმული სადაზღვევო პროდუქტების შეძენისას. მომხმარებელს უნდა შეეძლოს არჩევანის გაკეთება რამდენიმე სადაზღვევო კომპანიის კონკურენტულ შეთავაზებას შორის.

ბაზარზე გაზრდილი კონკურენციით, პირველ რიგში, მომხმარებელი დარჩება მოგებული. განსხვავებით დღევანდელი მდგომარეობიდან, როდესაც ბანკში ერთი, ამავე ბანკის საკუთრებაში მყოფი სადაზღევო კომპანიაა წარმოდგენილი, რომელსაც შეუძლია მონოპოლიური მდგომარეობით ისარგებლოს და მომხმარებელს უსამართლო პირობები მოახვიოს თავს. გაზრდილი კონკურენცია აუცილებლად გამოიწვევს დაზღვევის პროდუქტების ხარისხის ზრდას და ფასის შემცირებას.

უნისონმა უკვე მიმართა ეროვნულ ბანკს, კონკურენციის სააგენტოს და საქართველოს პარლამენტს ანალოგიური მოთხოვნით. თუმცა, ახლა უკვე თანამოაზრე სადაზღვევო კომპანიებთან ერთად, იმედი გვაქვს, ჩვენი მცდელობა უფრო შედეგიანი იქნება.  

See also
16 Mar, 2018

სადაზღვევო სექტორი, როგორც სტაბილურობის მნიშვნელოვანი ფაქტორი და თანამედოვე საზოგადოების განუყოფელი ნაწილი, ბანკების უკონტროლო ექსპანსიის პირობებში, ჩვენს ქვეყანაში სრულიად გაურკევეველი და დამაზიანებელი მიმართულებით ვითარდება - აცხადებს სადაზღვევო კომპანია უნისონი. სწორედ ამ საკითხზე, უნისონის ინიციატივით, სადაზღვევო კომპანიების ასოციაცია 19 მარტს  შეიკრიბება .

View more
30 Nov, 2017

კიბერ რისკების დაზღვევას, საქართველოში პირველად, მომხმარებელს სადაზღვევო კომპანია უნისონი სთავაზობს. კომპანიის გენერალური დირექტორის მოადგილე ნინო ბოკუჩავა კიბერ დაზღვევის შესახებ გაგვესაუბრა.

View more